1 qualifizéierten an diploméierten Comptable/Fiscaliste an 1 qualifizéierten an diploméierten Comptable

Mir sichen zouverlässeg a kompetent Mataarbechter, déi sech an engem klenge Kader wuelfillen.

1 qualifizéierten an diploméierten Comptable/Fiscaliste

1 qualifizéierten an diploméierten Comptable

{ m/w - Vollzäitbeschäftegung }

Mir hunn de Privileg eng laangjäreg gutt Clientèle ze hunn a mir schaffen an enger flotter Atmosphär direkt um Land. Bei eis steet de Mënsch am Mëttelpunkt vun eisen Iwwerleeungen, mir engagéieren eis fir eng gutt a respektvoll Zesummenaarbecht a suergen fir eng bestänneg Weiderbildung fir d’Qualitéit vun eiser Aarbecht héich ze halen.

Duerfir brauche mir Mënschen, déi mat Häerz a Séil derbäi sinn, déi sech engagéieren, selbstänneg sinn an den Ëmgang mam Client gären hunn.

ÄRE PROFIL KANN EWÉI HEI BESCHRIWWEN AUSGESINN:

Dir

• schafft zënter e puer Joer an enger lëtzebuerger Fiduciaire
• kennt déi lëtzebuerger Steiergesetzgebung an déi national an europäesch TVA
• sidd gutt iwwert Gesellschaftsrecht informéiert a gewinnt dran ze schaffen
• hutt eng gutt Logik an eng gutt Portioun Virwëtz an der Analyse
• huelt gären Initiativen a scheit Iech nit Är Meenung ze soen
• beherrscht déi gängeg Comptabilitéitsprogrammen esou ewéi Excel, Word, asw.
• schwätzt Lëtzebuergesch, Franséisch an Däitsch

Dann zéckt nit a léiert eis kennen, schéckt ons Äre komplette Liewenslaf mat enger Foto vun Iech, mir freeën eis a behandelen Är Daten mat Diskretioun. Wann Dir Froen hutt oder eis einfach wëllt besiche kommen, da kennt Dir gären e Rendez-vous mat der Madame Bernard Brigitte ofmaachen.

t + 352 23 62 33-1 • f + 352 23 62 33-29
• fiduciaire-interregionale.lu
14, Haaptstrooss • L-8720 Rippweiler